Nuk ka zgjatur më shumë se dy muaj aventura e Jurgen Klinsmann si trajner i Hertha Berlin. Më saktë, tekniku gjerman ka drejtuar berlinezët në dhjetë ndeshje.
Ditën e sotme, klubi nga kryeqyteti ka komunikuar largimin e tij nga posti i trajnerit të skuadrës. Në njoftimin e klubit thuhet se trajneri ka dhënë dorëheqjen mëngjesin e sotëm.
Zëvendëstrajneri Alexander Nuri do të drejtojë ekipin deri në ardhjen e teknikut të ri. Hertha nën drejtimin e Klinsmann arriti të sigurojë tre fitore, po aq barazime dhe katër humbje. Përtej shkarkimit si trajner, 55-vjeçari do të vazhdojë të jetë pjesë e klubit. Ai do të shërbejë në bordin drejtues.
Kjo është eksperienca më e shkurtër e Klinsmann në krye të një skuadre, teksa më shumë kohë ka kaluar nën drejtimin e kombëtares së Amerikës, të cilën e ka drejtuar në 98 ndeshje. Legjenda gjermane ka drejtuar edhe Bayern Munchen dhe kombëtaren e Gjermanisë.
VAZHDO TË LEXOSH MË TEPËR PËR TEMËN
Klinsmann rikthehet si trajner në Gjermani
Shënon Gjasula, Klinsmann debuton me humbje
