Mbrëmjen e djeshme është mbajtur ceremonia e ndarjes së çmimeve “Global”, ku ishte e pranishme edhe këngëtarja shqiptare Dua Lipa.
Vlerësimi për çmimet “Global” është bërë nga suksesi i këngëve në radio, duke i dhënë meritë këngëve të dëgjuara më shumë. Edhe njëherë tjetër, këngëtarja shqiptare na ka bërë të gjithëve krenarë me sukseset e saj në botë. Dua ka rrëmbyer çmimin “Artistja më e mirë britanike”, një trofe mëse i merituar nga këngëtarja.
Në një postim në llogarinë e saj në Instagram, ajo ka falenderuar të gjithë bashkëpunëtorët dhe fansat për mbështetjen e madhe që i kanë dhënë gjithë kësaj kohe.
“Faleminderit të gjithë fansave të mi, dëgjuesëve dhe kujtdo në “Global” që votoi dhe mbështeti muzikën time. Faleminderit për çmimin “Artistja më e mirë britanike”. Një mbrëmje argëtuese me të dashurit e mi dhe një natë speciale.”– shkruan Dua krahas fotove në ceremoni.
Një muaj më parë, dua publikoi këngën e saj të re të titulluar “Physical”, e cila është pjesë e albumit të saj të ri. Kënga është pritur mjaft mirë nga publiku dhe deri tani numëron 41 milion klikime në Youtube.
VAZHDO TË LEXOSH MË TEPËR PËR TEMËN
“Pavarësia”, urimi special nga Dua Lipa
Aksidentohet me makinë Dua Lipa
