Sot, një nga ikonat e gjalla të futbollit, braziliani Ronaldinho, mbushi 40 vjec. Një nga ditëlindjet më të trishtuara për brazilianin, pasi ndodhet në burg. Më 6 mars, ish-sulmuesi brazilian u arrestua së bashku me vëllain e tij në Paraguaj, për shkak se kishin përdorur identitet të rremë.
Megjithatë urimet për Ronaldinjon në këtë 40 vjetor të tij nuk kanë munguar, teksa tërheq vëmendjen edhe urimi i Milanit. Kuqezinjtë në faqen zyrtare shkruajnë: “Kur ai luante, ju buzëqeshnit. Gëzuar ditëlindjen Ronaldinho”.
Kujtojmë se braziliani luajti për 3 sezone me Milanin, ku u transferua në 2008-n nga Barcelona dhe qëndroi deri në vitin 2011, për të kaluar më pas te Flamengo në Brazil. Tre vite mjaftuan që Ronaldinjo të vjedhë zemrat e tifozëve të Milanit dhe të kthehet në një idhull për ta.