“Rreze” (Ray) është filmi i regjisores Lorena Sopi. I realizuar sipas ditarit të famshëm të Rreze Abdullahut dhe me regjinë e Sopit, është shpallur njëri ndër fituesit e festivalit “The Indie for You Film Festival”, mbajtur nga 14-22 mars, në San Ramon – California, sipas medieve kosovare.
Festivali 8-ditor që ka përzgjedhur në garë zyrtare 144 filma nga e gjithë bota, këto në pesë kategori, është mbajtur On Line. Në këtë event, filmi kosovar “Rreze”, ka fituar “Çmimin për Dramën më të mirë” – “Best Drama”.
“Rreze” që pati premierën në “Cannes Film Festival – Short Corner”, në maj të vitit 2018, deri tani ka qenë pjesë e më shumë se dyzetë festivaleve ndërkombëtare dhe ka fituar trembëdhjetë çmime kinematografike: Filmi më i mirë evropian – në Europa Film Festival në Barcelonë, Filmi më i mirë i luftës në Festivalin Movie Pro Screen në Los Angeles të SHBA-ve, Aëard of Merit dhe Humanitarian Aëard në Festivalin Best Shorts Competition – La Jolla, të SHBA-ve, Merit Aëard në Canada Short Film Festival në Vancouver të Kanadasë, Best Drama Short në Ëorld Film Festival (Los Angeles), Best Ëar Short Film dhe Best Costume Design në Five Continents Film Festival (Venezuela), Special Jury Prize, në North American Film Aëards, Best director dhe Audience Aëard në My True Story Film Festival (Los Angeles), Best Drama në Star Film Festival (Barcelona), poashtu Best Drama në The Indie for You Film Festival (San Ramon – California).
Gjatë vitit të luftës 1999, Rreze Avdullahu kishte shkruar “Ditari i frikës”. Në ditëlindjen e nëntë të atij viti të shënjuar, ajo nuk kishte pritur dhurata e as festë. Ajo kishte vetëm një dëshirë: Nuk donte të vdiste. Atë ditë, Rrezja shkon te ushtari serb që bënte roje dhe i thotë: Unë sot e kam ditëlindjen dhe nuk po due me vdekë! Veç po due me mbete gjallë… Ushtari nis e qan. Rrezja befasohet sepse kishte menduar se ushtarët nuk qajnë kurrë. Tetëmbëdhjetë vjet më vonë, mbi gërmadhat e së kaluarës, Rrezja shfaqet e dëshpëruar me botën që nuk është bërë më e mirë…
Në rolet kryesore në këtë film, interpretojnë: Agron Shala, Glorioza Shala, Aurita Agushi. Në rolet tjera paraqiten: Selman Lokaj, Beslidhje Bytyqi, Uran Duli.
VAZHDO TË LEXOSH MË TEPËR PËR TEMËN
‘Streha mes reve’, një film që kalon kufijtë
‘’Gardhi’’ garon për OSCAR
