Po mbyllen një e nga një shumë gara. Federata Italiane e Futbollit vendosi pezullimin e të gjitha aktiviteteve futbollistike për femrat dhe të rinjtë. Vendimi erdhi pas vazhdimit të masave të ashpra nga ana e qeverisë italiane kundër përhapjes së koronavirusit, ku deri tani janë regjistruar 22.170 të vdekur.
Kampionati i futbollit për femra, kampionatet e moshave 15, 16 dhe 17 vjeç dhe niveli amator janë të detyruar që të mos zhvillojnë aktivitetet e planifikuara futbollistike për shkak të katastrofës së rëndë humanitare që ka shkaktuar pandemia e koronavirusit.
Të njëjtën gje edhe Franca, që ka marrë vendimin për të anuluar kampionatet joprofesioniste. Kështu, National 2, National 3 dhe Regional janë anuluar. Të vetmet kampionate, ku gjithçka mund të rinisë janë Ligue 1, 2 dhe National 1.