Presidenti i Brescia-s, Massimo Cellino, mbetet i palëkundur në vendimin që ka marrë për ekipin e tij: “E përsëris që, nëse rillon të luhet futboll, nuk e hedh në fushë ekipin tim! Nuk është provokim: të më penalizojnë nëse duan! Marr të gjitha përgjegjësitë unë për këtë vendim!
Cellino vihet edhe kundër presidentit të Lazios, Lotito, teksa thotë: “Lotito dëshiron të luajë? E pëllitura e gomarit nuk mbërrin në parajsë, thuhet. Unë dëgjoj vetëm ata që janë të denjë t’i dëgjosh. Nuk e di as nëse Lotito përfaqëson Lazion duke qenë se është vetëm president komiteti administrimi”.
Në fund presidenti i Brescia-s flet edhe për qëndrimin apo në Serie A: “Frikë nga rënia? Aspak! E kam provuar disa herë dhe të bie dhe të ngjitem prapë. Ejani bëni një xhiro në Brescia dhe do ta kuptoni se për çfarë situate po flas.”