Presidenti amerikan Donald Trump ka thënë se ai do të shtyjë samitin e këtij viti të G7 dhe do të ftojë liderët e vendeve të tjera që të marrin pjesë në bisedime.
“Unë nuk mendoj se … tregon siç duhet atë që po ndodh në botë. Është një grup shumë i vjetëruar i vendeve,” tha Trump të Shtunën.
Grupi G7, që SHBA pret këtë vit, përfshin Kanadanë, Francën, Gjermaninë, Italinë, Japoninë dhe Mbretërinë e Bashkuar.
Presidenti tha se Rusia, Koreja e Jugut, Australia dhe India duhen ftuar.
Duke folur para gazetarëve në bordin e aeroplanit presidencial Air Force One, Trump tha se ai po e shtynte samitin, i cili ishte planifikuar të zhvillohej në qershor, deri në shtator.
Kancelarja gjermane Angela Merkel refuzoi ftesën e presidentit për të marrë pjesë në një samit personalisht për shkak të koronavirusit.
Të Premten, Kryeministri i Mbretërisë së Bashkuar Boris Johnson “ra dakord për rëndësinë e mbledhjes së G7 personalisht në të ardhmen e afërt” pas një bisede me presidentin amerikan, tha Shtëpia e Bardhë në një deklaratë.
Giuseppe Conte i Italisë u tha se kishte qenë i vetmi udhëheqës i G7 që i ofroi Trump çdo mbështetje të vërtetë.
Shinzo Abe i Japonisë u raportua të ishte neutral ndërsa pjesa tjetër ishin kundër.
Një diplomat evropian i tha The Guardian: “Shumica e udhëheqësve të tjerë këmbëngulën që kjo të jetë një familje, një klub, një komunitet i demokracive liberale dhe për këtë arsye ata thanë që nuk mund ta lejojnë Presidentin Putin te kthehet.”
Udhëheqësit e G7 – ose Grupi i Shtatë – ishin planifikuar të takoheshin me videokonferencë në qershor në përgjigje të Covid-19.
Grupi është i përbërë nga shtatë ekonomitë më të mëdha në botë.
Ai e konsideron veten si “një bashkësi vlerash”, me lirinë dhe të drejtat e njeriut, demokracinë dhe sundimin e ligjit, dhe prosperitetin dhe zhvillimin e qëndrueshëm si parimet e saj kryesore.
Burimi: BBC, Telegraph UK/ konica.al
VAZHDO TË LEXOSH MË TEPËR PËR TEMËN
G7, pse Kina nuk është anëtare dhe pse Rusia u largua?
G7 apo G8?/ Përplasje BE-SHBA për rikthimin e Rusisë
Samiti i G7, një moment kyç për Boris Johnson
