Duke nis nga nesër, në La Liga do të nisë stërvitja e futbollistëve, por në mënyrë individuale brenda qendrave sportive të klubeve. Lojtarët dhe stafi i trajnerëve të Real Madrid janë ribashkuar sot në qendrën stërvitore Valdebebas, pas daljes nga karantina.
Lojtarët mbërritën në qendrën stërvitore një nga një për t’iu nënshtruar testeve mjekësore dhe trajneri Zinedine Zidane ishte aty për t’i përshëndetur ata. Trajneri francez i përshëndeti lojtarët e vet nga distanca, duke iu përmbajtur udhëzimeve.
Hoy damos el primer paso para el regreso a la actividad.#RMCity | #HalaMadrid pic.twitter.com/VMW3rP3nFd
— Real Madrid C.F.⚽ (@realmadrid) May 6, 2020
Të gjithë lojtarët u panë të pajisur me maska dhe doreza, sipas udhëzimeve të qeverisë spanjolle. Faza e dytë e stërvitjes në grupe mendohet të jetë pas 18 majit dhe La Liga pritet të rinisë në javën e dytë të qershorit.
VAZHDO TË LEXOSH MË TEPËR PËR TEMËN
Dy mijë teste në La Liga, 30 priten pozitivë…
La Liga, hapet drita jeshile për rinisjen
