Bayern Munchen nuk njeh pengesa në Bundesligë. Kryesuesit fituan thellë 5-2 në javën e 27-të, duke mposhtur Eintracht Frankfurt. Një sukses që i mban në krye kampionët, 4 pikë para Dortmund.
Vendasit nuk e patën aspak të vështirë, teksa realizuan 2 gola në pjesën e parë. Goretza në 17’ dhe Muller në 41’ cliruan bavarezët në pjesën e parë, duke shkuar në dhomat e zhveshjes të qetë.
Në të dytën, menjëherë është Lewandowski që realizon golin e tretë. Sulmuesi polka shënoi golin e 27-të, duke u bërë së bashku me Ciro Immobilen shënuesi më i mirë në Europë. Megjithatë, Hinteregger realizon një dopietë në harkun e 3 minutave (52’ e 55’) për miqtë.
Gjithsesi, paniku për Bayern zgjat deri në minutën e 61’, kur Davies realizon golin e katërt, ndërsa në 74’ Hinteregger bëhet protagonist sërish, por kësaj here shënon në portën e tij. 5-2 për Bayern dhe këtu praktikisht mbyllet, pavarësisht se ka raste të tjera.
VAZHDO TË LEXOSH MË TEPËR PËR TEMËN
Dortmund nuk i ndahet kreut, Leverkusen i treti
