MENU
klinika

Thellohet borxhi, 454 mln € hua vetëm për COVID!

Në qershor prezent në tregjet e huaj për Eurobondin 650 mln €

31.05.2020 - 13:25

Më shumë se krizë shëndetësore pandemia globale COVID-19, po rezulton krizë ekonomike. Fillimisht për të mbështetur papunësinë dhe shëndetësinë, qeveria vendosi të ndryshoj buxhetin e shtetit duke alokuar 12 miliardë lekë për pagat e punonjësve të mbetur të papunë dhe për shëndetësinë, si dhe u miratua linja e parë e garancisë sovrane në vlerën e 11 miliardë lekëve. Me aktin e parë normativ u ulën pritshmëritë për të ardhurat me 20 miliardë lekë dhe u rritën shpenzimet me 9 miliardë lekë.

Nevoja për mbështetje financiare për bizneset për të shmangur falimentimet bëri që buxheti të ndryshoj përsëri më 15 prill, ku u rishikuan zërat buxhetor dhe kaloi fondi prej rreth 7 miliardë lekësh, për pagat e punonjësve si dhe u miratua garancia e dytë sovrane prej 15 miliardë lekësh. Me rishikimin e dytë të buxhetit deficiti buxhetor arriti nga 2% në fillim në 3.9%, duke arritur nga 68.6 miliardë lekë që ishte në 39.6 miliardë që ishte.

konica ekonomiakonica ekonomia mobile

Por pavarësisht ndryshimeve në buxhet nevoja për financim ishte tepër e lartë. Aktualisht vendi ka marrë 2 kredi nga ndërkombëtarët dhe një obligacion në tregun e brendshëm. Fillimisht Komisioni Evropian dha hua për vendin 180 milionë euro, për të përballuar emergjencën e krijuar. Më pas vendi në fillim të muajit prill mori borxh në tregjet financiar në vend në formën e obligacionit 100 milionë euro me normë interesi 1.96%, dhe duhet të shlyhet brenda 2 viteve.

Po në muajin prill ishte Fondi Monetar Ndërkombëtar që akordoi për Shqipërinë një hua nëpërmjet instrumentit të shpjet 139.3 SDR ose 174 milionë euro, me normë interesi 4.05% dhe që duhet të shlyhet për 5 vite. Me këto hua të marra, borxhi arrin në vlerën e 454 milionë eurove, pa marrë parasysh normën e interesit, por që ky nivel do të rritet më tej pasi në qershor do ju shtohet edhe eurobondi që do të emetohet në vlerën e 650 milionë eurove.

Eurobondi nuk do të shkoj plotësisht për pandeminë, pas ishte parashikuar të merrej që para përhapjes së pandemisë por, pjesa më e madhe do të financojë efektet negative që po lë pas COVID. Vetëm me këto të dhëna paraprake borxhet e marra në kohë pandemie do të arrijnë në vlerën e mbi 1 miliardë eurove.

VAZHDO TË LEXOSH MË TEPËR PËR TEMËN


Arsyet pse ishte sukses

Eurobondi i tretë si provë pjekurie

Por nuk përfshin eurobondin

Borxhi publik, 66% në fund të shtatorit


Si renditet Shqipëria sipas raportit të OECD?

Papunësia në rajonin e Ballkanit Perëndimor

MIE: Çfarë parashikon kontrata? Dokumenti

Hapet gara/ Rruga “Milot-Fier” me koncension deri në 2024

Covid-19 'bekon' metalin e çmuar!

RT/ Ari, mbreti i tregut

Amnistia fiskale/ Shkalla e tatimit për pasuritë e deklaruara

Denaj: Synojmë që jashtë nismës të mbeten paratë e krimit