Një lajm i bujshëm ka qarkulluar ditën e sotme në median prestigjioz gjermane “Bild”. Milot Rashica ka arritur akordin paraprak me klubin e Leipzig. Këta të fundit janë gati të derdhin plot 20 milionë euro në arkat e Werder Bremen, për të siguruar shërbmet e shqiptarit të Kosovës.
Leipzig është një nga rivalët për titull këtë sezon, si dhe është pjesë e çerekfinaleve të Champions, teksa ky fakt duket se ka joshur Rashicën, i cili ka zhvilluar një sezon fantastik me Werder Bremen. Me shumë mundësi Leipzig do të luajë sërish në Champions dhe këtë mundësi e sheh si një trampolinë për ndonjë skuadër angleze.
Pavarësisht se skuadra e tij rrezikon të bjerë nga kategoria, interesimet për Rashicën kanë qenë të shumta, nga klube edhe më prestigjioze si Dortmund dhe Liverpool, po mesa bëhet e ditur nga mediat gjermane, 23-vjeçari me shumë gjasa do të zgjedhë Leipzig. Menaxheri i Rashicës është ish-kapiteni i Kombëtares shqiptare, Altin Lala.
VAZHDO TË LEXOSH MË TEPËR PËR TEMËN
“Milot Rashica, krenaria e Kosovës”
Gol dhe asist, Rashica në 11-n e javës
Altin Lala tregon të ardhmen e Milot Rashicës
