Me regji nga Bujar Alimani dhe temë nga e kaluara komuniste e Shqipërisë, filmi “Delegacioni” do të prezantohet në kinematë franceze nga data 22 korrik 2020.
Ngjarjet zhvillohen në tetor të vitit 1990, kur regjimi komunist në Shqipëri përpiqej të mbajë pushtetin. Një delegacion evropian vjen në Tiranë për të monitoruar zbatimin e reformave të qeverisë – një parakusht i madh që Shqipëria të pranohet në OSBE. Leo është marrë fshehurazi nga një burg i largët dhe është sjellë në kryeqytet. Ai ka qenë një i burgosur politik për 15 vjet. Tani ai është bërë jashtëzakonisht i vlefshëm për qeverinë. Delegacioni evropian udhëhiqet nga një shok i shkollës së vjetër të Leos. Detyra e tij është të kontrollojë progresin e të drejtave të njeriut në Shqipëri. Leo mund ta bindë atë se gjithçka është në rregull. Por, asgjë nuk shkon siç është planifikuar.
Me skenar të Artan Minarollit dhe regji të Alimanit, luajnë aktorët Viktor Zhusti, Ndriçim Xhepa dhe Xhevdet Feri.
Filmi është vlerësuar me rreth 15 çmime ndërkombëtare, si: “Çmimi i madh” (Grand Prix) në Festivalin e Filmit në Varshavë, si dhe ishte kandidat për të përfaqësuar vendin tonë, për 2020-ën në çmimet “Oskar”.
VAZHDO TË LEXOSH MË TEPËR PËR TEMËN
‘’Delegacioni’’, filmi që nis rrugëtimin ndërkombëtar
‘Delegacioni’, Leo dhe enigmat e tij
‘Streha mes reve’, një film që kalon kufijtë
