Qendra muzeore Berat, sapo ka përfunduar ndërhyrjen restauruese të ikonës “Shën Joan Pagëzori” e vitit 1835, që mban firmën e Naum Çetirit.
Lajmi u bë i ditur nga ministrja e Kulturës, e cila theksoi se, “pas një muaji pune intensive, ajo i shtohet ekspozimit ikonografik në muzeun “Onufri””.
“Vepra paraqiste shumë problematika, por pas ndërhyrjes u arrit rezultati i dëshiruar, duke nxjerrë në dukje ngjyrat e ikonës, freskinë dhe madhështinë e veprës. Ajo pasuron, jo vetëm koleksionin e muzeut “Onufri”, por plotëson kronologjinë në artin e autorëve ikonografë Çetiri” – theksoi, Margariti.
Vepra i shtohet ekspozimit ikonografik në muzeun “Onufri”, pas një ndërhyrje restauruese njëmujore. Ikona paraqiste shume problematika, si: degradim verniku, abrasion të pelikulës piktorike, gufime, dëmtim dhe mungesë grundi, plasaritje të panosë së drurit si dhe depozitime papastërtish të ndryshme.
VAZHDO TË LEXOSH MË TEPËR PËR TEMËN
Falë ndërhyrjes kisha e shekullit XIII restaurohet
Françeskanët me Muze në Shkodër
