Sa herë që përmendet emri i Messit, për ndonjë rekord apo në merkato, të gjithë mbajnë veshët hapur. Kjo ndodhi edhe ditën e djeshme kur me shpejtësi u përhap lajmi se babai i Messit, njëkohësisht edhe menaxheri i tij, zbarkoi në Milano për të blerë një shtëpi në qytetin lombard.
Ndoshta për t’u marrë me një shitje fantazmë tek Inter, ku ka pasur zëra se argjentinasi i Barcelona mund të largohet pas situatës së krijuar së fundmi te blaugranat. Sidoqoftë, entuziazmi i tifozëve zikaltër është shuar shpejt. Enturazhi i Messit e përcaktoi lajmin si “të rremë”.
Leo është duke shijuar javën e pushimeve që Quique Setien u dha lojtarëve katalanas para se të fillojnë përgatitjen për ndeshjen e kthimit të Ligës së Kampionëve kundër Napolit më 8 gusht. Lionel Messi ndodhet në Ibiza me gruan e fëmijët e tij, si dhe me miqtë Luis Suárez e Pepe Costa, me familjet e tyre përkatëse.
Messit i mbetet edhe një vit në kontratë me Barcelonën, por kohët e fundit janë shtuar zërat se ai mund të largohet, e ardhur kjo ndoshta që ekipi nuk është fitues si dikur. Vetëm nëse Barcelona do të fitonte Champions League, mund të kishim një përmbysje të situatës.
VAZHDO TË LEXOSH MË TEPËR PËR TEMËN
“Messi mund të bashkohet me Ronaldon te Juve”
“Bomba” nga Spanja, Messi largohet në 2021-n
