Shumë njerëz ende nuk e marrin seriozisht infektimin nga Covid-19, madje ka edhe nga ata që nuk i besojnë fare se ekziston një virus kaq i rrezikshëm. Por fotot e Ahmad Ayyad tregojnë të kundërtën.
Fotot e tij janë bërë shumë “virale” në SHBA e më gjerë. Sportisti, që jeton në Washington, u infektua nga Covid-19 dhe mjekët në spitalin “John Hopkins” duhej ta fusnin në gjendje kome dhe ta lidhnin atë me një respirator. Për plot 25 ditë, 40- vjeçari i fuqishëm fizikisht luftoi me virusin, derisa ia doli me vështirësi të jashtëzakonshme.
“You’re thinking it’s an over-hyped flu and I’m not going to get it.”
Ahmad Ayyad went from peak physical condition and competing in obstacle races to losing 60 pounds after doctors placed him in an induced coma for 25 days due to the coronavirus. https://t.co/wDlVBMhzij pic.twitter.com/Gj4wPiVOj5
— CNN (@CNN) July 1, 2020
Ai, para se të sfidonte koronavirusin, garoi në vrapimet me pengesa dhe pastaj u mor me basketboll e boks. Sa ishte i intubuar, Ahmad Ayyad humbi deri në 27 kilogramë dhe pësoi dëme serioze në mushkëri e zemër. Gjatë 25 ditëve që kaloi në gjendje kome, të stimuluar nga mjekët, jeta dhe vdekja ishin fare pranë.
“Ju mendoni se është një grip i ekzagjeruar dhe nuk ju bën asgjë…E keni shumë gabim, unë e provova vetë se për çfarë tmerri po flasim, – shpjegoi 40-vjeçari për “WMAR 2 Neës”, para se të zbulonte se si ishte tjetërsuar kur u zgjua nga koma. Trupi i tij nuk ishte si më parë, as në peshë dhe as në muskuj.