Me Lionel Messin që më shumë duket larg Barcelonës, klubet e pasura që mund t’i sigurojnë rrogën e majme atij janë vënë në lëvizje. Bayern Munchen u vetëpërjashtua nga kjo garë, kur Rummenigge deklaroi nuk e marrim dot.
Sulmuesi argjentinas duket se po drejtohet në Angli, te Manchester City. Dhe këtë e përforcon një veprim i bashkëkombasit të tij te Manchester City, Sergo Kun Aguero, i cili ka ndryshuar emrin e tij në rrjetet sociale, nga “kunaguero10”, në “kunaguero”.
Ky veprim i bomberit të “Qytetarëve” interpretohet si shenjë dorëzimi të numrit 10 ndaj superyllit të Barcelonës, i cili për herë të parë gjatë karrierës ndodhet larg Barcelonës.
Pas protestave të tifozëve, presidenti Bartomeu do të tentojë për herë të fundit të bindë “Pleshtin”, ndërsa babai dhe menaxheri i Messit ka nisur bisedimet me Manchester City-n. Në “Etihad Stadium” Messi do të gjente mbështetjen e plotë të klubit dhe trajnerit Pep Guardiola.
VAZHDO TË LEXOSH MË TEPËR PËR TEMËN
Messi dhe Suarez darkojnë bashkë, ku do luajnë ata?
“PSG ka gati superofertën për Leo Messin”
