Edhe pse Drita ende nuk ka zhvilluar ndeshjen e parë (do të luajë nesër në Europa League me Legia Ëarshaë), është mbyllur java e dytë e Superligës në Kosovë, teksa janë luajtur dy takime.
Duele interesante mes skuadrave me pretendime serioze për titullin kampion në këtë sezon në Kosovë. Bie në sy fitorja e Ballkanit me rezultatin 3-2, në një ndeshje dramatike ndaj Feronikelit, ku këta të fundit kanë humbur edhe penallti.
Mirlind Daku, ish-sulmuesi i Kukësit në sezonin e shkuar, ka shënuar 3 gola, duke qenë padyshim një nga më të dalluarit në fushë për të dy ekipet. Ndërkohë që në ndeshjen tjetër, Llapi është mundur në fushën e vet nga skuadra e Gjilanit të vlonjatit Gentian Mezani.
Tri pikë që gjilanasit i kanë merituar dhe kanë fituar në saj të golit të Darko Nikaç, ish-sulmuesit të Teutës së Durrësit. Pas dy javësh kryeson me pikë të plota Ballkani, ndjekur nga Prishtina dhe Arbëria me nga 4 pikë.
VAZHDO TË LEXOSH MË TEPËR PËR TEMËN
