Bayern Munchen ndoshta nuk do të luajë në dhjetor në Botërorin e Klubeve që organizohet nga FIFA. Pandemia është bërë një pengesë e madhe për organizimin normal të kompeticioneve dhe një goditjë nuk mund ta shmangte as Kupa e Botës për klube.
Situata në këtë dimër është shumë e paqartë sepse të gjithë vendet po nisin përgatitjet për të përballuar një valë të dytë të infektimeve me Covid-19. Megjithëse FIFA ende nuk ka dalë me një njoftim zyrtar në lidhje me shtyrjen e kompeticionit, kjo duket e pashmangshme për shkak se ekipet të cilat do të marrin pjesë në këtë turne nuk janë plotësuar ende.
Aktualisht është konfirmuar pjesëmarrja e Bayern Munchen, si kampion i Europës, kampionit të Oqeanisë, Aucland City dhe ekipit pritës nga Katari, Al-Duahil. Thuajse të gjithë kampionatet e tjerë janë pezulluar dhe mbetet për t’u mësuar se kush do të përfaqësojë Azinë, Afrikën, Amerikën e Jugut, Amerikën Qendrore dhe atë të Veriut.
Në këto kushte shtyrja është e pashmangshme dhe pritet vetëm njoftimi i FIFA-s në lidhje me këtë vendim, i cili sezonin e ardhshëm nëse pandemia zhduket, pritet të marrë një tjetër format më konkurrues dhe me më shumë klube europiane në garë.
VAZHDO TË LEXOSH MË TEPËR PËR TEMËN
Liverpool fiton për herë të parë trofeun
FIFA zgjedh Kinën për Botërorin e Klubeve
Anulohet apo shtyhet Botërori i Klubeve 2020?
