Historike për Everton! Asnjëherë më parë Everton nuk kishte startuar me 7 fitore radhazi sezonin, 4 në kampionat dhe 3 në Kupën e Ligës së Anglisë. Sot të besuarit e Ancelottit fituan 4-2 ndaj Brighton dhe kryesojnë Premier League me pikë të plota.
Takimi është zhbllokuar nga Calvert-Lewin në minutën e 16-të. Anglezi, që kryeson renditjen e golashënuesve të kampionatit me 6 realizime, ka shënuar më shumë gola se çdo lojtar tjetër i pesë kampionateve kryesore të Europës në ndeshjet e këtij sezoni të luajtura në të gjitha kompeticionet (9).
Brighton ka barazuar përkohësisht rezultatin me Maupay-n në minutën e 41-të, por vendasit janë kthyer në avantazh në fundin e pjesës së parë me Yerri Mina, i cili ka marrë një asist nga James Rodriguez.
Në fundin e takimit ka ardhur edhe goli i dytë i miqve dhe i fundit i takimi, i realizuar nga Bissouma, që ka mposhtur Pickford me një goditje të mrekullueshme nga jashtë zone.