Në 15:00 me orën e Tiranës, Shqipëria do të luajë në Kazakistan ndeshjen e tretë në grupet e Ligës së Kombeve. Kuqezinjtë vijnë në këtë sfidë me shumë mungesa mes dëmtimeve, pezullimeve dhe si shkak i koronavirusit, apo edhe si zgjedhje teknike e trajnerit Edy Reja.
Kështu, mungojnë emra të rëndësishëm të kombëtares si Strakosha, Gjasula, Hysaj, Roshi, Balaj, Cikalleshi, Sadiku. Gjithsesi, objektivi në fushë mbetet i njëjti, tri pikët, pasi objektivi është të fitohet grupi, në të cilin bëjnë pjesë edhe Bjellorusia me Lituaninë.
Ndërkaq, në lidhje me formacionin, Reja do të mbetet besnik i 3-5-2. Në portë do të jetë Berisha, mbrojtja do të përbëhet nga Gjimshiti, Dermaku dhe Kumbulla në debutimin e tij.
Debutim që pritet të vijë edhe për Albi Dokën e Endri Çekiçin, të cilët do të luajnë në mesfushë së bashku me Abrashin, Baren dhe Lenjanin. Ndërkohë, detyrën për të finalizuar aksionet e kanë dyshja Broja-Manaj.
VAZHDO TË LEXOSH MË TEPËR PËR TEMËN
Reja me këmbë në tokë: Të mos dalim pa pikë
Nesër kapiten, Berisha: Nuk ka rival të lehtë
