Teksa sezoni 2019-2020 i NBA-së është drejt fundit, menjëherë po mendohet për sezonin e ri. Adam Silver, komisioneri i NBA-së, u ka dhënë fund hamendjeve, duke bërë me dije vendimin. Sipas tij, nuk ka për t’u nisur sezoni i ri para Krishtlindjeve, pra më 25 dhjetor.
Sipas të gjitha gjasave, sezoni i ri 2020-2021 do të nisë në janar, por data ende nuk është vendosur. Mendohet të jetë në javën e dytë të janarit. Silver e argumentoi këtë sepse lojtarët kanë nevojë për pak pushim, si nga ana fizike, ashtu edhe ajo mendore pas kësaj situate delikate që kaluan muajt e fundit.
Zakonisht sezoni i NBA nis në fund të tetorit dhe mbaron në fund të majit ose fillim qershori. Por si të gjitha sportet e tjera në Amerikë dhe jo vetëm, në mars u ndërpre gjithçka, për të rifilluar në fund të korrikut. U mbyll sezoni i rregullt, por me ndryshimin se nga 30 skuadra, 22 vijuan, duke skarcuar nga 4 të fundit për secilën konferencë.
Pastaj u luajtën ndeshjet e play-off dhe aktualisht jemi në prag të finale së dytë mes Los Angeles Lakers dhe Miami Heat, teksa të parën e fituan kalifornianët. Në rastin më të mirë fituesi shpallet në mesin e tetorit. Kjo e bën të pamundur nisjen e sezonit të ri në nëntor dhe dhjetor, pasi basketbollistët janë dërmuar duke luajtur cdo dy ditë, teksa është vënë re edhe nga dëmtimet e shumta që pati në play-off.
