Kanë përfunduar edhe ndeshjet e Kategorisë së Parë. Në Grupin A, kishte vetëm dy përballje. Spikaste më shumë ajo mes Erzenit dhe Burrelit kryesues.
Shijakasit, edhe pse e nisën në mënyrën më të keqe të mundshme duke shkuar në disavantazh të dy golave, ia dolën të rikuperonin dhe ta mbyllnin ndeshjen në barazim 2-2.
Kështu, mund të konsiderohet si një hap fals i Burrelit i cili lë pikë të rëndësishme në garën për kreun e renditjes. Ndërkaq, sfida tjetër ishte ajo mes Veleçikut dhe Vorës. Vendasit vinin pas një disfatë megjithatë, ishin në gjendje të reagonin dhe ia dolën të mposhtnin miqtë me rezultatin minimal 1-0. Dinamo-Besëlidhja dhe Oriku-Partizani B luhet nesër.
GRUPI A
Erzeni-Burreli 2-2
25’ Gecaj, Camara 88’ / 6’, 20’ Raboshta
Veleçiku-Vora 1-0
45’ Banushaj
Në Grupin B, Lushnja ka triumfuar ndaj Flamurtarit në Vlorë, me rezultatin 1-0. Ishte Xeka, i cili shënoi në minutën e 46’ duke i dhënë avantazhin lagunarëve, me rezultatin që nuk ndryshoi deri në fund.
Turbina ka triumfuar 2-1 në derbin ndaj Elbasanit, duke u rikthyer kështu te fitorja në kampionat. Asnjë pikë për Elbasanin, që vetëm sot shënoi golin e parë.
Ndërkohë ndeshja tjetër mes dy pretendentëve për ngjitjen në Superiore, Besa-Egnatia është mbyllur në barazim pa gola. Ishte një ndeshje shumë e luftuar nga të dyja skuadrat, të cilat kërkuan me ngulm golin e avantazhit, por e kishin të pamundur.
GRUPI B
Flamurtari-Lushnja 0-1
Xeka 46′
Turbina-Elbasani 2-1
Rikardo 19′, Sallaku 38’/ Duka 68′
Besa-Egnatia 0-0