Pas ankthit dhe panikut të para dy javëve kur makina e Romain Grosjean u nda më dysh dhe shpërtheu në flakë, madje edhe në duart e pilotit, një tjetër moment i frikshëm ndodhi sot.
Në provat e lira në Abu Dhabi, piloti i njohur Kimi Raikkonen, që garon me skuderinë Alfa Romeo, përjetoi një episod që vetëm eksperienca e tij mund ta përballonte me aq qetësi.
Makina e tij u përfshi totalisht nga flakët pas një defekti në anën e pasme të saj. Finlandezi doli me shpejtësi nga kabina e tij dhe arriti të shuajë zjarrin me ndihmën e teknikëve të pistës. Ndonëse në flakë, Raikkonen u tregua gjakftohtë.
Flames from the back of Kimi Raikkonen’s car brought a temporary halt to FP2 #AbuDhabiGP 🇦🇪 #F1 pic.twitter.com/cY1qi7Cr6d
— Formula 1 (@F1) December 11, 2020
Formula 1 do të zhvillojë garën e fundit për këtë sezon në Abu Dhabi të Emirateve të Bashkuara Arabe. Hamilton është shpallur kampion bote, ndërsa Vettel do të largohet nga Ferrari.