Ndonëse ka ndërruar kampionat, mesfushori i Kombëtares shqiptare, Endri Çekiçi, vijon me paraqitjet e mira. Ai ka gjetur golin në ndeshjen e kampionatit turk, Ankaragucu-Basaksehir.
Miqtë kaluan të parët në avantazh, që zgjati vetëm tri minuta pasi sulmuesi i Kombëtares vendosi barazpeshën me anë të një ekzekutimi perfekt nga goditja e dënimit, duke shënuar për Ankaragucu.
Ky ishte goli i parë për Çekiçin në elitën e futbollit turk, teksa u transferua në merkaton e kaluar nga Olimpija e Ljubjanës. Tek ekipi turk, 24-vjeçari është duke u aktivizuar me vazhdimësi dhe goli i sotëm i jep edhe më shumë vlerë performancave të tij.
Endri Çekiçi @Ankaragucu 1-1 Başakşehir pic.twitter.com/aUUDy4bp5o
— Çubuk Çarşı Senatosu (@cubuksenatosu) January 10, 2021
Për fat të keq, ekipi i tij u mposht 1-2. Por vetë Çekiçi u zëvendësua në minutën e 55-të. Vetëm 1 minutë më pas skuadra e mesfushorit shqiptar u ndëshkua. Gjithsesi, Basaksehir këtë sezon është dobët.