Letrat e të atit, që u zbuluan në një papafingo, hedhin më shumë dritë mbi psikologjinë e diktatorit, – argumenton një historian, në librin e sapobotuar.
“Ashtu si Adolf Hitleri, Alois Hitler i mbivlerësonte jashtëzakonisht shumë, aftësitë dhe njohuritë si autodidakt”, – thekson studiuesi austriak, Roman Sandgruber.
Historiani analizoi 31 letrat e panjohura, që Alois Hitler i kishte dërguar një zotërie, i cili i shiti atij një fermë në fshatin austriak, Hafeld. Faqet e shkruara me makinë, sugjerojnë se babai i Hitlerit, një zyrtar në doganë, kishte njohuri nga të gjitha.
“Babai i tij, kishte dëshiruar gjithmonë të ishte një pronar toke erudit, që qëndron mbi të gjithë të tjerët”, – shpjegoi, Sandgruber.
Sipas historianit edhe i ati, edhe i biri, i përbuznin autoritetet dhe kishin ndjenja antifetare.
Adolf Hitler, i cili u lind në 1889, në provincën e Austrisë së Epërme, përfundoi duke u bërë lider i partisë naziste dhe kancelar i Gjermanisë.
Në librin e tij në gjuhën gjermane, që përkthehet “Babai i Hitlerit. Si Biri u bë diktator”, Sandgruber argumenton, gjithashtu, se Hitleri ishte një antisemist qysh në rini – çfarë bie në kundërshtim me idenë se, ai filloi t’i urrente hebrenjtë vetëm pasi u shpërngul në Vjenë.
Versioni origjinal i një biografie nga shoku i adoleshencës së Hitlerit, August Kubizek, tregon se Adolf Hitleri iu bashkua me klubit antisemist vetëm dy muaj pas mbërritjes në kryeqytetin austriak, sipas historianit Sandgruber.
VAZHDO TË LEXOSH MË TEPËR PËR TEMËN
“Stalinit iu desh Hitleri, kur Perëndimi e refuzoi”
