Mercedes zbuloi makinën e re për sezonin 2021. Skuderia publikoi pamjet e njëvendëshes që do të pilotojnë Lewis Hamilton e Valtteri Bottas. Edhe këtë vit, makina do të jetë thuajse e zezë, ashtu si ajo e sezonit të kaluar, por nuk mungojnë edhe shenja të së shkuarës, si ngjyra e argjendtë.
Makina e re do të quhet “Mercedes AMG F1 W12 E Performance” dhe do të zbresë në pistë më 12-14 mars, në testet që do të zhvillohen në Bahrein, dy javë para fillimit të botërorit më 28 mars. Njëvendëshja gjermane edhe këtë vit pritet të dominojë botërorin e Formula 1.
Ky vit ka sjellë disa ndryshime, që mund të kenë ndikim edhe në paraqitjen në pistë. Ka disa ndryshime teknike, që inxhinierët e Mercedes janë munduar t’i adaptojmë sa më mirë. Edhe këtë vit objektivat nuk ndryshojnë, edhe pse nga sezoni në sezon bëhet gjithnjë e më e vështirë.
Introducing the W12 🖤🥰 Get your first look at our 2021 F1 car! #WeLivePerformance pic.twitter.com/RiZEBTyarb
— Mercedes-AMG PETRONAS F1 Team (@MercedesAMGF1) March 2, 2021
Hamilton do të kërkojë titullin e tetë kampion bote, duke dashur të thyejë rekordin e Michael Schumacher. Ndërsa Valteri Bottas do të tentojë edhe njëherë tjetër të prishë domonimin e britanikut. Me pak fjalë, Mercedes mbetet makina për t’u mposhtur.