Sipas Observatorit Europian të Futbollit (CIES), që analizon vlerën e skuadrave në pesë kampionatet kryesore europiane, skuadrat më të shtrenjta janë ato të përfshira në Super League Europiane.
Mes skuadrave me vlerën më të lartë, vendet e para mbahen nga klubet themeluese: në krye është Manchester City, me një vlerë totale të skuadrës 1.3 miliardë euro. Skuadra e Guardiola-s është para gjithë klubeve të tjerë anglezë: Manchester United (1,16 miliardë euro) dhe Chelsea (1,11 miliardë).
Në këmbët e podiumit, Barcelona është në vend të parë mes skuadrave jo angleze, me një vlerë skuadre 991 milionë euro. Ndjekin Liverpool me 897 milionë dhe Real Madrid me 840 milionë.
Sipas klasikimit të përpunuar nga observatori i njohur i futbollit, Juventus është e para mes italianeve (në vendin e shtatë të renditjes), me një vlerë skuadre 829 milionë euro. Deri në vendin e tetë, kur gjendet Atletico Madrid me 791 milionë, janë vetëm organizueset e kampionatit të ri.
Për të gjetur një skuadër që nuk ka aderuar në Super League duhet shkuar në vendin e nëntë, që mbahet nga Bayern Munich me 777 milionë euro. Duke u kthyer te Seria A, mbrapa bardhezinjve vijnë Inter (705 milionë) dhe Napoli (501). Milan-i është vetëm “i katërti”, me një skuadër me vlerë 489 milionë euro, por e fundit në “top 20”.
20 skuadrat më të shtrenjta të Europës në euro
1 – Manchester City 1,299 miliardë
2 – Manchester United 1,161 miliardë
3 – Chelsea 1115 miliardë
4 – Barcelona 991 milionë
5 – Liverpool 897 milionë
6 – Real Madrid 840 milionë
7 – Juventus 829 milionë
8 – Atletico Madrid 791 milionë
9 – Bayern Munchen 777 milionë
10 – Borussia Dortmund 772 milionë
11 – Inter 705 milionë
12 – Tottenham 649 milionë
13 – Arsenal 633 milionë
14 – Leipzig 608 milionë
15 – Paris Saint Germain 603 milionë
16 – Everton 538 milionë
17 – Bayer Leverkusen 532 milionë
18 – Napoli 501 milionë
19 – Leicester 491 milionë
20 – Milan 489 milionë