Barcelona ka vuajtur sërish, por këtë herë ia ka dalë të përmbysë shifrat ndaj Valencia në transfertë. Katalanasit fituan 2-3 jashtë fushe dhe tashmë shohin sërish për nga titulli, pasi ndeshja e radhës është pikërisht Barcelona-Atletico Madrid.
Një ndeshje e nisur mirë por e prishur në pjesën e dytë, kur vendasit gjetën golin me Paulista. Nga aty, dominimi dhe kthesa e katalanasve. Në fillim është Messi ai që me një penallti të humbur, gjen golin pasi aksioni vazhdon dhe ndiqet nga Busquets.
Pak më vonë është Griezmann që dyfishon shifrat dhe Messi i jep lustrën finale me një goditje dënimi perfekte dhe golin e dytë. Në fund, Soler shkurton shifrat në 2-3, por nuk ka më kohë për të befasuar dhe Barcelona merr tri pikë tepër të rëndësishme në garën për titull.
VAZHDO TË LEXOSH MË TEPËR PËR TEMËN
Real kalon një pengesë, nuk heq dorë nga titulli
