Ka përfunduar edhe ndeshja e fundit e javës 33 të Superligës, që përkonte me derbin e kryeqytetit. Partizani dhe Tirana nuk kanë shkuar më shumë se 0-0. Të kuqtë lënë dy pikë me shumë vlerë për titull, Tirana për zonën europiane.
Një ndeshje e ekuilibruar në tërësi. Në pjesën e parë Partizani ishte dicka më kërkues, madje shënoi edhe një gol, i anuluar për jashtë loje. Tirana kërkoi sporadikisht dhe më e paqartë golin.
Pjesa e dytë ka ritëm dhe të dyja skuadrat morën iniciativa. U gabua shpesh në mesfushë nga të dy krahët, por që në fazën finale nuk u shfrytëzuan në konkretizim në drejtim të portës.
Edhe në fund, kur Partizani pati një rast të artë gaboi. Shumë të nxituar futbollistët e të dyja skuadrave në fazën finale. Nuk pati gola, një rezultat që dënon të dy ekipet.