Ndodh edhe kështu. Mund të jesh kampion bote, një lojtar që vlen miliona, por që nuk e duan ekipet që ka luajtur. Kur një futbollist lë një skuadër sidomos me një lamtumirë të hidhur, është normale që tifozët të ruajnë kujtime jo të mira.
Antoine Griezzman me transferimin e tij në verë të vitit 2019 nga Atletico e Madridit te Barcelona e “dogji” gjithë dashurinë e “Los Colchoneros”.
Fakti që francezi jo vetëm ushtroi presion për largimin, por gjeti mënyrën që “blaugranat” të paguanin më pak se klauzola, duke nisur kontaktet me ta para se çmimi të rritej, krijoi një hendek të madh mes tij dhe tifozëve të Atleticos.
Por jeta është e gjatë, gjithçka mund të ndodhë dhe Griezman mund të rikthehet. Gazetat spanjolle flasin për një shkëmbim me Saul, që do ta çonte spanjollin në “Camp Nou” dhe francezin në “Wanda Metropolitano”, në Madrid.
Një operacion i kushtëzuar nga nevoja e Barcelonës për të lehtësuar zërin e pagave. Duke çuar Griezmannin tek Atletico klubi katalanas do të kursente më shumë se 20 milionë eurot e pagës së tij, që do të shërbenin për të firmosur një akord të ri me Messin.
Problemi është që tifozët e Atleticos së Madridit nuk e duan një rikthim të ish-it të madh, dhe e kanë shfaqur qarë me një hashtag në Tëitter #GriezmannNoTeQueremos, që shpjegon qartë se tifozëria e kampionëve të Spanjës është vënë kundër rikthimit të francezit te Atletico.
VAZHDO TË LEXOSH MË TEPËR PËR TEMËN
Nuk mund të vijojë më, Robben tërhiqet përfundimisht!
Messi surprizon 100-vjeçarin me një video
