Trofeu “Luigi Berlusconi” tërhoqi vëmendjen e miliona shikuesve nga viti 1991 deri më 2015. Dhe tani, gjashtë vite pas edicionit të fundit, që pa Milan dhe Inter të përballen me njëri-tjetrin, është gati të kthehet.
Sipas “Tuttosport”, ky trofe do të luhet më 31 korrik. Sfida këtë herë nuk do ta shohë Milanin në veprim, i cili ka ndryshuar pronësinë, por Monzan, xhevahirin e ri të futbollit të shtëpisë “Berlusconi”.
Monza për pak u ngjit në Serie A sezonin e kaluar, por është gati të provojë përsëri dhe të gdhendë një hapësirë midis klubeve më të rëndësishme dhe ambicioze në Itali.
Torna il Trofeo Berlusconi, un grande classico del calcio estivo: il Monza sostituirà il Milan e sfiderà la Juventus [📰 Tuttosport]https://t.co/0Jex8ZCFIG
— Goal Italia (@GoalItalia) July 19, 2021
Kundërshtari i ekipit të rinovuar, që i është besuar Giovanni Stroppa për ta drejtuar, do të jetë Juventusi, një protagonist historik i “Trofeut Berlusconi”.
Në fakt, ai mori pjesë në 19 raste, duke fituar 10 herë kundër Milanit (13 suksese të përgjithshme për kuqezinjtë dhe 1 për Interin). Këtë herë, “Trofeu Berlusconi” nuk do të organizohet siç ishte zakoni, në stadiumin “San Siro” të Milanos, por “Brianteo” në Monza.
VAZHDO TË LEXOSH MË TEPËR PËR TEMËN
Reforma e Serie A, më pak skuadra dhe play-off
