Mercedes është ende në kërkim të pilotit të dytë për sezonin e ardhshëm sportiv të Formula 1. Makina gjermane ka konfirmuan 7 herë kampionin e botës, britanikun Lewis Hamilton, por ende nuk dihet se cili do të jetë shoku i tij i skuadrës.
Toto Wolff, drejtori sportiv i Mercedes, ka konfirmuar se dy janë kandidatët për të pilotuar makinën kampione të botës sezonin e ardhshëm: Finlandezi Valtteri Bottas, aktualisht pilot i Mercedes dhe britaniku George Russell (piloton Williams).
Wolff shprehet se nuk ka për të qenë një zgjedhje e lehtë dhe bën bilancin e dy pilotëve: “Duhet të zgjedhim mes stabilitetit që na ofron Bottas dhe talentit të George. Ndaj, dua që kjo çështje të analizohet me qetësi në shtator”.