Itali, piktura e Klimtit ”duket” pas dekadash

        Raportuar e zhdukur, disa dekada më parë, piktura e Klimtit i kthehet Italisë.

Një galeri artesh në Itali, po ekspozon një ndër veprat e artistit austriak, Gustav Klimt, për herë të parë qyshse u ra në gjurmët e saj, pas zhdukjes 23- vjeçare.

Galeria “Ricci Oddi” në Piacneza, ka publikuar “Portretin e një Gruaje”, duke thënë se “është dhuratë për qytetin Piacenza, i cili është testuar aq shumë nga pandemia, që ka goditur Italinë dhe gjithë botën”.

Piktura – që është një prej shumë portreteve që Klimt ka përfunduar gjatë jetës së tij – është grabitur nga galeria, në shkurt të vitit 1997.

Ajo u gjet në oborrin e të njëjtës galeri, në dhjetor të vitit 2019, nga kopshtarët, e fshehur pas një dere të trashë metalike dhe e mbështjellë në plastikë.

Ende nuk është e qartë, se çfarë ka ndodhur me veprën artistike sa kohë figuronte e zhdukur dhe nëse e kanë zhvendosu apo jo, larguar nga ambientet e galerisë.