Nga Portugalia, ku është grumbulluar me ekipin kombëtar për eliminatoret e botërorit 2022 në Katar, ka folur për herë të parë pas largimit nga Juventusi sulmuesi Cristiano Ronaldo.
Ai u rikthye në Premier League te skuadra e Manchester United, ekip ku ka luajtur edhe më parë. Për “Sky Sports”, CR7 ka folur për herë të parë për rikthimin në “Old Trafford” pas shumë vitesh:
“Manchester United është një klub që gjithnjë ka patur një vend të veçantë në zemrën time. Pasi u riktheva këtu, pasi firmosa për këtë klub ditën e premte, kanë qenë të shumta mesazhet.
Mezi po pres të luaj sërish në Old Trafford, përballë një stadiumi të mbushur plot dhe të shoh sërish fansat e këtij ekipi. Shoh me optimizëm përpara dhe mezi pres të bashkohem me skuadrën pas ndeshjeve ndërkombëtare. Shpresoj të jemi një sezon të mbushur me suksese”.