Futbolli është sporti më popullor dhe loja më e dashur nga të gjithë. Dhe kjo është dëshmuar qëkur është shpikur. Mund të ëndërrojnë të gjithë. Madje është në nivele të larta, amatorët mund të lënë shenjën e tyre.
Një kompeticion ku përfshihen edhe amatorët është Kupa e Francës, një prej turneve më unike në Europë, pasi është aktiviteti në të cilin skuadrat e kategorive të ulëta shpesh bëjnë surpriza dhe nuk janë të pakta rastet ku edhe ekipet amatore shkojnë deri në fazat finale.
Gjithçka është meritë e formulës, e cila parashikon që në aktivitet mund të marrë pjesë çdo skuadër, dhe me këtë nënkupton edhe ato mijëra kilometra larg. Rregullorja e aktivitetit parashikon që në turne, që në turin e para, mund të marrin pjesë të gjithë, edhe ekipet amatore.
Jo vetëm ato që gjenden në Francë, por edhe ato që kanë rezidencën në territoret e kontinenteve të tjerë, që bëjnë pjesë në Republikën Franceze dhe njihen nga Federata. Me pak fjalë, skuadrat në koloni të vjetra franceze.
Një prej tyre është edhe AS Sent-Pierreis, skuadra e komunitetit të vogël të Sent Pierr et Mikelon, një grup ishujsh të vegjël me rreth 6 mijë banorë që gjendet afër Kanadasë. Ky grumbuj ishujsh njihet si pjesë e Francës që në shekullin e 19 dhe skuadra në fjalë ka vendosur të ndërmarrë një rrugëtim historik.
Ajo ka ecur hap pas hapi dhe tashmë e sheh veten në turin e tretë të aktivitetit, me ndeshjen e radhës që do ta luajë në Francë, kundër USSA Vertu, klub i kategorisë së pestë.
Për këtë ndeshje, skuadra ka udhëtuar 4 mijë kilometra për të shkuar në Francë e për të marrë pjesë në aktivitet. Prej një jave ajo gjendet në Francë duke u përgatitur në qendrën e ekipeve kombëtare franceze, me ftesë të Federatës, duke shpresuar që magjia e këtij turneu, t’i shtyjë sa më shumë kthimin në shtëpi.
Për një klub i cili merr pjesë çdo vit në një kampionat me vetëm 3 skuadra dhe ky pjesa më e madhe e lojtarëve në të vërtetë janë lojtarë hokeji në akull, vështirë se mund të ketë më mirë se kaq.
VAZHDO TË LEXOSH MË TEPËR PËR TEMËN
“Kush shpiku Superligën, gabim që s’pyeti lojtarët”
