Brooklyn Nets ngjitet në krye të renditjes në Konferencën e Lindjes pas fitores 117-112 në fushën e Cleveland. Ky është suksesi i 13-të në kampionat për Nets, ku për miqtë shkëlqeu Durant me 27 pikë.
Zbret në vendin e katërt në Lindje ekipi i Washington, që sot u mund 109-103 nga Charlotte (Rozier 32 pikë). Nuk zhgënjen skuadra kampione e Milwaukee Bucks, që mundi 123-92 Orlando Magic, takim ku diferencën për vendasit e bëri kolektiviteti (7 lojtarë realizuan mbi 10 pikë).
Humbet ekipi i Utah Jazz, që zbret në vendin e tretë në Perëndim, duke u mundur në sekondat e fundit 119-118 nga Memphis Grizzlies (Morant 32 pikë). Në këtë konferencë diferencë e bën Golden State, që ka 15 fitore.
Ndërkohë, është marrë vendimi për LeBron James, pas goditjes më bërryl ndaj kundërshtarit në ndeshjen Pistons-Lakers. Ylli i NBA është dënuar me vetëm 1 ndeshje, duke ia hedhur paq.
Ai tentoi të telefononte Stewart, por ky i fundit nuk pranoi. Komisioni i Disiplinës më shumë dënoi Stewart, me dy ndeshje, për shkak të ndërprerjes për 15 minuta të sfidës dhe agresivitetit për të goditur të tjerët.
