Lazio merr një fitore të lehtë në transfertë ndaj Sampdorias, të paktën nga sa ishte menduar. Bardhekaltrit fitojnë 1-3 ndaj Sampdorias dhe tashmë mund të pretendojnë më shumë.
Gjithçka nisi shpejt me golin e Milinkovic-Savic. Kalojnë disa minuta dhe Lazio dyfishon, e bën me sulmuesin Ciro Immobile. Ende protagonisti i madh Mattia Zaçagni, që bën gjithçka mirë dhe shërben gati në pikën e penalltisë sulmuesin e Italisë që nuk fal portierin Audero.
Në minutën e 38-të, Lazio gjen edhe golin e tretë. Eklips total për Sampdorian. Milinkovic-Savic dhuron asist për Immobile, që nuk fal dhe shënon golin e dytë personal. Mbyllet 0-3 pjesa e parë.
Në të dytën, Lazio më shumë mendon për të menaxhuar fitoren sesa për të shënuar gol tjetër. Milinkovic-Savic bëhet protagonist me dy kartonë të verdhë del me të kuq. Në 89’. Gabbiadini shënon golin e nderit për vendasit.
VAZHDO TË LEXOSH MË TEPËR PËR TEMËN
Manaj gjen golin e parë me Spezian në Serie A
Fitore e çmendur e Atalantës, futet në garë për titull
Inter likuidon edhe Romën, suksesi i katërt radhazi
