11.12.2021 - 11:19
Phoenix Suns fitoi 111-90 ndaj Boston Celtics dhe arrin Golden State në krye të renditjes në Konferencën e Perëndimit. 7 lojtarë të Suns realizuan mbi 10 pikë, sfidë ku u dallua McGee me 21 pikë e 15 rebound.
Fiton edhe ekipi i Los Angeles Lakers që mundi 116-95 Oklahom City thunder jashtë fushe. LeBron James realizoi 33 pikë, duke qenë lider për kalifornianët.
Një përbindësh në fushë ishte edhe Antetokounmpo, që realizoi 41 pikë e 17 rebound në fitoren që Milwaukee Bucks arriti ndaj Houston Rockets, me rezultatin 123-114.
Rikthehet te fitorja Brooklyn Nets, që mundi 113-105 Atlanta Hawks falë 31 pikëve të Durant, sukses që mban Nets në krye të renditjes. Zhgënjen sërish Dallas Mavericks, që u mund 106-93 nga Indiana Pacers (LaVert 26 pikë).
