Kryeministri Edi Rama ka komentuar sërish çështjen e inceneratorëve për të cilën është ngritur një komision hetimor, ndërsa pas hekurave ka përfunduar ish-ministri Lefter Koka.
Kreu i qeverisë i është përgjigjur komentit të një qytetari në Facebook, i cili e pyet nëse ndjen përgjegjësi për aferën e inceneratorëve. Rama ia kthen se nuk di ndonjë aferë inceneratorësh, por një punë të mirë që ka shpëtuar tre komunitete të mëdha nga makthi i plehrat.
Por sipas kryeministrit në këtë punë të mirë ka pasur individë që mbrapa shpinës së qeverisë, kanë abuzuar me pushtetin e tyre.
Komentuesi: A ndjeni përgjigjësi ju Z. Kryeministër për aferën e inceneratorëve?
Edi Rama: Për cilën “aferë të inceneratorëve” se unë nuk di ndonjë aferë inceneratorësh, po di një punë të mirë që ka shpëtuar tre komunitete të mëdha nga makthi i plehrave, në Tiranë, Elbasan dhe Fier! Nëse në këtë punë të mirë ka pasur edhe individë që mbrapa shpinës së qeverisë, kanë abuzuar me pushtetin e tyre, për të nxjerrë përfitime të paligjshme, këtë e nxjerr hetimi dhe gjykimi i drejtësisë, jo propaganda politike apo balta mediatike! Por kjo nuk e ndryshon faktin se veprat janë ndërtuar, janë aty dhe janë në shërbim të komuniteteve, të shëndetit publik e të mjedisit.
VAZHDO TË LEXOSH MË TEPËR PËR TEMËN
Basha e Kryemadhi në një zë për inceneratorët
Debati për inceneratorët/ Rama i përgjigjet opozitës me videon e blogerit të famshëm
