Me mungesat e konfirmuara të Bares, Balliut dhe Uzunit, që ishin titullarë ndaj Spanjës, në ndeshjen e sotme ndaj Gjeorgjisë priten ndryshime në formacion.
Por jo vetëm ato, pasi trajneri Reja u shpreh që formacioni do të pësojë shumë ndryshime në këtë sfidë. Duke e nisur nga porta, ndaj Gjeorgjisë do të jetë radha e Thomas Strakoshas.
Në mbrojtje pritet që Odise Roshi të kalojë nga krahu i djathtë dhe në vendin e tij të luajë Ermir Lenjani, ndërsa qendra e repartit do të përbëhet nga treshja që luajti ndaj Spanjës: Kumbulla, Gjimshiti dhe Ismajli.
Në mesfushë risia mund të jetë Kristjan Asllani që do të luajë ndeshjen e parë si titullar me Kombëtaren A, teksa do të shoqërohet nga Ylber Ramadani dhe Endri Çekiçi. Ndërkaq, dyshja sulmuese pritet të përbëhet nga Armando Broja dhe Rey Manaj.
VAZHDO TË LEXOSH MË TEPËR PËR TEMËN
Pretendentët e Serie A kërkojnë Brojën
