I fiksuar pas Hysaj, por i fiksuar edhe pas Kepa Arrizabalegna. Sarri është një nga ato trajner, të cilët kudo që shkon, sa herë është e mundur, ka dëshirë të punojë me lojtarë që i njeh, me të cilët ka punuar edhe më herët.
Kjo ndodhi me Hysaj, pas aventurës me Napoli, e kërkoi edhe kur ishte pjesa e Chelsea, ndërsa dha më pas bekimin e tij për tu bashkuar të dy së bashku te Lazio.
Sarri dëshiron të bëjë të njëjtën gjë edhe me Kepan, me portierin e Chelsea, të cilin dëshiron ti bashkohet te Lazio sezonin e ri. Pas mediave italiane, edhe ato angleze bashkohen në këtë pikë, Sarri kërkon me çdo kusht Kepa.
Kjo zgjedhje e trajnerit i mbyll përfundimisht dyert një rinovimi të mundshëm të Strakoshës, pasi kushti kryesor që kishte gardiani kuqezi ishte pikërisht ky, kërkonte nga Sarri garanci për të ardhmen, kërkonte një fanellë titullari.