Barcelona nuk ndalet as përballë Sevillas. Skuadra e Xavit dominoi sfidën ndaj andaluzianëve në “Camp Nou”,por realizoi vetëm një gol. Perla e Pedrit në minutën e 72-të, i dhuroi Barcelonës suksesin e gjashtë radhazi në La Liga dhe vendin e dytë.
Ndeshja dhuroi emocione dhe nisi me katalanasit në sulm. Ferran Torres dhe Frenkie De Jong iu afruan golit, teksa provoi edhe Jordi Alba. Në fundin e pjesës së parë provoi edhe Pierre-Emerick Aubameyang, por Bono priti në dy kohë.
Vendasit nuk e ulën ritmin në pjesën e dytë, fraksion ku e kërkoi golin edhe Sevilla. Ocampos dhe Lamela u shfaqën të rrezikshëm për ekipin e Lopeteguit, ndërsa Barcelona u përgjigj me Ferran Torres dhe Araujon.
Ivan Rakitic provoi në krahun tjetër, ndërsa Bono dhe traversa i hoqën golin Gerard Pique. Provoi edhe Dembele fluturimthi, por topi mbi tra. Gjithsesi, tifozët përjetuan emocione në minutën e 74-t.
VAZHDO TË LEXOSH MË TEPËR PËR TEMËN
Mjafton një “perlë” e Pedrit, Barça ngjitet e dyta
