NBA do të zbarkojë për herë të parë në historinë e saj në Emiratet e Bashkuara Arabe. Kjo metodë e zhvillimit të ndeshjeve jashtë Amerikës është praktikuar edhe më parë, por ishte ndërprerë për shkak të pandemisë.
NBA ka vendosur të luajë dy ndeshje në Abu Dhabi pas një marrëveshje të arritur sot. Ekipet e Atlanta Hawks dhe Milwaukee Bucks do të luajnë dy ndeshje miqësore, në periudhën para-sezonit, në “Etihad Arena” të Abu Dhabi, më 6 dhe 8 tetor.
Abu Dhabi get ready the NBA is about to take over with two preseason games at Etihad Arena on Yas Island in Abu Dhabi on Thursday, Oct. 6 and Saturday, Oct. 8, 2022 #NBAAfrica #NBA75 pic.twitter.com/zEsxqKTp3r
— NBA Africa (@NBA_Africa) May 10, 2022
Këto dy ndeshje janë pjesë e një marrëveshje që është arritur mes NBA dhe Departamentit të Kulturës e Turizmit në Abu Dhabi. Në këtë shtet ka nisur në janar një Ligë e hapur me 450 fëmijë të moshës 11-14 vjeç. Po në atë periudhë, në Japoni do të luhen dy ndeshje miqësore mes Golden State Warriors dhe Washington Wizards.
