“Ish-presidenti Donald Trump e dinte se mbështetësit e tij ishin të armatosur me armë gjatë sulmit të 6 janarit 2021, në Kapitol, por këmbënguli që ata të lejoheshin”.
Deklarata u bë nga ish-ndihmësja e Shtëpisë së Bardhë, Cassidy Hutchinson, e cila ka deklaruar se Trump është shprehur se nuk i interesonte që ata kishin armë me vete.
“Dëgjova presidentin të thoshte diçka në kuptimin: ‘Nuk më intereson që ata kanë armë. Ata nuk janë këtu për të më lënduar. Hiqni detektorët metalikë. Lërini njerëzit e mi të hyjnë. Ata mund të marshojnë drejt Kapitolit nga këtu’”, tha ish-ndihmësja e Shtëpisë së Bardhë, Cassidy Hutchinson.
Dëshmia e re shpërthyese u transmetua gjatë një seance të papritur të martën. Hutchinson kujtoi se Trump ishte informuar nga Shërbimi Sekret se mbështetësit e tij kishin sjellë armë në tubimin e tij pak para sulmit në Kapitol.
Trump, megjithatë, me sa duket ishte i fiksuar në madhësinë e turmës dhe kërkoi që më shumë nga mbështetësit e tij të lejoheshin të anashkalonin detektorët metalikë për ta parë atë duke folur, dëshmoi Hutchinson.