Ka mjaftuar një foto e FIFA-s për Kupën e Botës me 32 kapitenët e kombëtareve pjesëmarrëse për të sjellë tjetër furtunë në mediat serbe. Në këtë foto shihet kapiteni i Zvicrës, Xhaka, krahas atij serb Tadic.
“Kurir” e quan gafë skandaloze, duke shkruar: “Çfarë gafe e FIFA-s! Federata Botërore e Futbollit ka publikuar në rrjetet sociale një karikaturë promovuese me kapitenët e kombëtareve pjesëmarrëse në Botërorin e Katarit.
Dhe e gjithë kjo nuk do të ishte aq e pazakontë, nëse FIFA nuk do të kishte bërë një gabim të madh. Nuk e dimë rastësisht apo qëllimisht, por sigurisht që fotoja ka shkaktuar shumë reagime. Në foto shihen të përqafuar kapitenët e Serbisë dhe Zvicrës, Dushan Tadic dhe Granit Xhaka.
Who are you most looking forward to watching at the World Cup this year? 💭 #Qatar2022 is calling! 🏆 pic.twitter.com/xg68Bz4ipH
— FIFA World Cup (@FIFAWorldCup) June 14, 2022
Po të kemi parasysh faktin se Xhaka është me kombësi shqiptare, i njohur për publikun serb për provokime në fushë, duke festuar gola dhe bërë simbolet e shqiponjës me dy krerë, mund të pyesim veten se çfarë mesazhi do të përçojë FIFA përmes artistit karikaturist të kësaj fotoje?!”
Kujtojmë se Granit Xhaka është kapiten i Zvicrës, kombëtare me të cilën do të sfidojë Serbinë në Grupin G të Botërorit të Katarit, që do të nisë në muajin nëntor të këtij viti. Me siguri, festimi me “shqiponjë” i Xhakës dhe Shaqirit, që kishin shënuar golat fitimtarë të Zvicrës ndaj Serbisë në “Botërorin 2018”, iu ka ngelur si “gjembi në mish” mediave në Beograd.
VAZHDO TË LEXOSH MË TEPËR PËR TEMËN
Kërkohet burg për ish-presidentët Blatter e Platini
