Në festivalin “Sunny Hill”, i cili u zhvillua në Tiranë për tre netë me radhë, ka marrë vëmendje edhe një flamur shqiptar me yllin komunist në krye. Simbol i vjetër që u vendos mbi flamurin shqiptar në vitet e para të diktaturës, u hoq përgjithmonë në 1992.
Ende nuk është e qartë nëse organizatorët e kanë ngatërruar apo e kanë vendosur të vetëdijshëm flamurin me yllin komunist në skenën e festivalit. Fotoja ka ngjallur shumë reagime në rrjet pasi prania e yllit në flamurin kombëtar përfaqëson një ndër sistemet më te egra dhe më të dhunshme totalitare në Evropë, diktaturën e Enver Hoxhës.
Kryebashkiaku i Tiranës, Erion Veliaj ka reaguar në lidhje me situatën. Veliaj ka sqaruar se shfaqja e flamurit me yll në festivalin “Sunny Hill” është pjesë e një performance artistike e grupit rok “Asgjë Sikur Dielli”.
Ai shkruan në Twitter se kënga është një satirë kunder regjimit komunist, e realizuar 8 vite më parë nga Alban Nimani, lideri i grupit.
Veliaj ka ironizuar edhe zerat e PD që vrapuan ta komentonin këtë ngjarje, duke theksuar se uron që përfaqësuesit e opozitës të luftojnë me të njëjtin zell edhe Sekretarin e PPSH qe kane në krye të PD dhe sigurimsin aleat.
“Nuk luftohet komunizmi me metoda komuniste! Kënga është një satirë ndaj regjimit! Alban Nimani – dhëndër në Tiranë në një nga familjet më të përndjekura – e ka prodhuar para 8 viteve! Uroj të luftoni me të njëjtin zell sekretarin e PPSH në krye të PD dhe sigurimsin aleat!”, shkruan Veliaj.
VAZHDO TË LEXOSH MË TEPËR PËR TEMËN
Dua Lipa mbush Instagramin me foto nga Tirana
Dua Lipa së shpejti në Tiranë?
Dua Lipa i tregon gjithë botës se është shqiptare
