Diktatori rus Vladimir Putin priste një fitore të shpejtë kur nisi luftën e tij brutale kundër Ukrainës.
Gjashtë muaj më vonë, sulmi i tij i dështuar ka zbuluar paaftësinë e udhëheqjes ruse dhe vendosmërinë e popullit ukrainas në luftën për lirinë e tyre.
Putini u detyrua të ndryshontye objektivin e tij për t’i dhënë fund ekzistencës së Ukrainës si një komb i pavarur – të paktën tani për tani. Megjithatë, nëse ai ia del mbanë në objektivat e tij aktuale dhe merr kontrollin e më shumë territoreve të Ukrainës, ky nuk do të jetë fundi i ambicieve të tij.
Fqinjët e Ukrainës janë shumë të vetëdijshëm për këtë.
Nëse Putin beson se mund të dominojë vendet që ai gabimisht i konsideron si pjesë të “sferës së ndikimit” të Rusisë, ai do të përpiqet ta bëjë këtë, sado kohë të duhet dhe çfarëdo qoftë kostoja.
Kjo është arsyeja pse ai duhet të ndalet dhe Ukraina po lufton në emër të të gjithëve ne. Shumë vende e kanë kuptuar këtë dhe kanë mbetur të vendosur në mbështetjen e tyre për Ukrainën, siç tregohet nga mbështetja prej 3 miliardë dollarësh e njoftuar nga SHBA.
Por asnjë lider botëror nuk ka qenë më i vendosur për t’i bërë ballë Putinit sesa Boris Johnson. Ukrainasit e njohin këtë, duke i dhënë atij Urdhrin e Lirisë, çmimin e tyre më të lartë për
një shtetas të huaj, kur ai vizitoi Kievin sot.
Në dekadat në vijim, njerëzit do t’i kujtojnë festat e tij me habi.
Por së bashku me Brexit dhe drejtimin e vendit përmes një krize të paprecedentë shëndetësore, Johnson do të mbahet mend gjithmonë për lidershipin global që ka treguar në mbrojtjen e lirisë dhe mbështetjen e Ukrainës në rrugën e saj drejt fitores kundër agresionit të Putinit.
VAZHDO TË LEXOSH MË TEPËR PËR TEMËN
“Çelësi” për humbjen e Putinit? Rusët që janë kundër luftës!
Burimi: Express UK
Përktheu dhe përshtati: Konica.al