Vrapimi është një nga format më të njohura të stërvitjes. Por ndonjëherë mund t’ju duket i lodhshëm dhe i mërzitshëm.
Nëse e urreni si stërvitje, këto këshillat më poshtë mund t’ju japin një shtysë për ta parë ndryshe:
Alternoni vrapin me ecje
Ju nuk duhet të vraponi shpejt, as gjatë gjithë kohës.
Cody Townsend, një skiator profesionist 39-vjeçar, mendonte se vrapi ishte i mërzitshëm dhe i lodhshëm. Trajneri i tij i sugjeroi atij të ngadalësonte dhe të alternonte vrapimin për 30 sekonda dhe ecjen për 30 sekonda. Dhe kështu ai filloi ta shikonte me një sy ndryshe.
Përqafoni mërzinë
Lufta e vrapimit është një përvojë e përbashkët mes vrapuesve, nga fillestari tek maratonisti elitar. Ekspertët rekomandojnë t’i jepni vetes leje për të luftuar. Vrapimi kërkon kohë. Kërkon praktikë. Ju nevojiten këpucët dhe pajisjet e duhura, të cilat mund t’i gjeni në dyqane të specializuara.
Gjeni motivim
Mika McDougall kuptoi se asaj i duhej motivim shtesë për të vrapuar gjatë dimrit të ftohtë. Ajo vuri re se në lagjen ku jetonte aty pranë, banorët kishin ngritur biblioteka falas në oborret e tyre. Ajo filloi të organizonte vrapimet e saj rreth tyre. Deri në fund të vrapimeve të saj, ajo do të kishte një grumbull librash për të marrë në shtëpi.
Vraponi me një trajner personal në vesh
Dëgjimi i një podcasti në lidhje me vrapin është si të kesh një trajner personal pranë teje. Mund të kërkoni për një sërë aplikacionesh për vrapues të të gjitha niveleve. Kështu nuk do të ndiheni ‘vetëm’.
Vraponi me muzikë ose argëtim
Muzika, librat audio mund të shërbejnë gjithashtu si argëtim dhe shpërqendrim për një kohë të gjatë. Kjo inkurajon shkëputjen, që do të thotë se vrapuesit nuk janë më aq të vetëdijshëm për simptomat që lidhen me lodhjen.
Drejtohuni te shtigjet
Vrapimi në shtigje lejon një ndryshim të peizazhit dhe një arratisje në natyrë. Gjithashtu ju jep ‘leje’ për të ngadalësuar shpejtësinë.
Merrni frymë ngadalë
Një pyetje e zakonshme që bëjnë fillestarët është se si të marrësh frymë. Heather Knight Pech, një trajnere vrapimi, tha se një nga gjërat e para që ajo u thotë klientëve të saj është të ngadalësojnë ritmin e tyre.
Gjatë vrapimit, Knight Pech sugjeron të merrni frymë përmes hundës dhe gojës, por ta nxirrni vetëm nga goja. Gjithashtu ajo thotë se duhet të merrni frymë me ngadalë.
VAZHDO TË LEXOSH MË TEPËR PËR TEMËN
Ju dhemb shputa e këmbës?
Çfarë duhet të bëni për të shmangur stresin?
