MENU
klinika

Ja ç'duhet të dini

A ka një orë më të mirë gjatë ditës për të takuar psikologun tuaj?

14.12.2022 - 13:06

Kur vendosni të nisni terapinë ka disa elementë kryesorë që duhen parë me kujdes- të gjesh një terapist të cilit mund t’i besosh 100%, të gjesh programin e trajtimit që bën për ty si dhe sigurisht një moment të ditës që i përshtatet axhendës tënde.

Le të ndalojmë pak tek koha që zgjidhni për të bërë terapi. Me siguri ju nuk e dini, por ajo ndikon shumë më tepër nga ç’mendoni. A është ide e keqe të takosh psikologen në pushimin e drekës në punë? A duhet të bësh terapi në fillim të javës?! Me pak fjalë, a ka një orar ideal për të rezervuar një orar terapie?

Sipas ekspertëve, koha më e mirë e ditës për terapi varet nga disa faktorë që i përkasin secilit prej individëve. Secili prej nesh ka një axhendë personale dhe një stil jete të veçantë, për të mos folur pastaj në lidhje me mënyrat sesi zgjedh të përballojë takimin e radhës me terapistin. Thënë ndryshe nuk ka një përgjigje gjithpërfshirëse, por mund thjesht të zgjidhni çfarë bën më shumë për ju. Duke patur parasysh këtë, në vijim janë listuar disa faktorë që duhen konsideruar për të vendosur orën tuaj më të mirë për terapinë e radhës.

Mendo se për çfarë do të flasësh

Eshtë pak e vështirë të përcaktosh me saktësi se çfarë temash do të diskutohen në një orë terapie, por pak a shumë ju e keni idenë e gjërave që ju shqetësojnë më shumë. Nëse trauma jote është intensive dhe t’i ndihesh pa energji pas çdo takimi e mira është të mos e bësh në mes të një dite pune. Gjatë pjesës së mbetur të ditës mund të të kërkohen detyra dhe takimi me psikologen do të ndikojë në performancën tënde.

Konsidero sa kohë të duhet të procesosh informacionin

Nëse bën takimin me psikologen gjatë orarit të punës dhe pastaj ke një takim pune pas 1 ore, mund ta gjesh veten pak emocionalisht të ngarkuar. Ndjen se të duhet më shumë kohë për ta procesuar bisedën me të, prandaj e mira është të gjeni një orar të ditës jo të ngarkuar, për t’i dhënë vetes më shumë kohë. Konsiderojeni si një shëtitje në park, ose një dremitje të gjatë që doni ta shijoni.

Mendoni për kohën kur jeni më shumë produktivë

Pas një dite të gjatë në punë, gjëja e fundit që doni është të keni një tjetër orë të gjatë bisede të rëndësishme. Edhe pse është një lloj aktiviteti që e bëni vullnetarisht, mund të shndërrohet në ngarkësë për shumë njerëz. Prandaj, fundi i ditës pas një dite të gjatë pune, s’është momenti më i mirë.

Mendo që je duke paguar për këtë takim, prandaj e mira është që e gjithë vëmendja dhe fokusi juaj kur jeni aty, të përqëndrohet po aty.

Burimi: Huffington Post