Partia Demokratike ka zgjedhur sot kandidatët e saj për zgjedhjet lokale të 14 majit.
Në përfundim të një dite të gjatë votimesh dhe numërimesh, Balkanëeb ka nxjerrë listën e kandidatëve në bashkitë kryesore të vendit, ku tri prej tyre do të shkojnë në balotazh, për shkak se kandidati që ka marrë më shumë vota nuk e ka kaluar pragun e 50%+1.
Kështu në Shkodër dhe Elbasan, ashtu siç pritej janë konfirmuar Bardh Spahia (kryebashkiaku aktual) dhe Luçiano Boçi (që do të lërë mandatin e deputetit), të cilët në zgjedhjet e djeshme nuk kishin rivalë përballë.
E njëjta situatë ka qenë edhe në Kukës ku Admir Sinemati ishte i vetëm.
Në Lezhë fitues është shpallur Pashk Gjoni, ndërsa në Durrës ish deputeti Igli Cara.
Një tjetër ish deputete ka fituar në Korçë. Ledina Aliolli ka marrë votat e demokratëve për të garuar në zgjedhjet e 14 majit.
Fituesit
Shkoder Bardh Spahia
Kukës Admir Sinemati
Dibër Besnik Alku/ Ismail Uka (balotazh)
Lezhë Pashk Gjoni
Durrës Igli Cara
Tiranë Belind Këllici/ Ilir Alimehmeti (balotazh)
Elbasan Luçiano Boçi
Fier Evdar Kodheli/ Artur Mahmutaj (balotazh)
Vlorë Hysni Sharra
Gjirokastër Dorjan Lani
Korçë Ledina Aliolli
Berat Zija Ismaili
Kamëz Arjan Hoxha
VAZHDO TË LEXOSH MË TEPËR PËR TEMËN
“Primaret”, ku nuk ka as zgjedhje, as kë të zgjedhësh
Bardhi flet për takimin me Palokën
A do tërhiqet PD në ndonjë bashki për t’i lënë vendin PL? Ja si përgjigjet Berisha!
